Aankhon se meri is liye

Aankhon se meri is liye lali nahin jati
Yaadon se koi raat jo khali nahin jati

Ab umar na mosam na wo rastay ke wo paltay
Is dil ki magar khaam khayali nahin jati

Mangy tu agar jaan bhi hans kar tujhe de don
Teri to koi baat bhi tali nahin jati

Aaye koi aa k yeh dard sanbhaalay
Hum se to yeh jaageer sanbhaali nahin jati

Maaloom humain bhi hain tere buhat se qissay
Har baat teri hum se uchhaali nahin jati

Humraah tere phool khilati thi jo dil mein
Ab shaam wohi dard se khaali nahin jati

Hum jaan se jaain gay tabhi baat bany gi
Tum se to koi raah nikaali nahin jati...

Loogon Ke Lye

Loogon Ke Lye Saahib-e-Kirdaar Bhi Mein Tha
Khud Apni Nigaahon Mein Gunaahgaar Bhi Mein Tha

Kiun Ab Mere Mansab Ki Salaami Ko Kharay Ho ?
Yaaro Kubhi Ruswa Sar-e-Baazaar Bhi Mein Tha

Mein Khud Hee Chhupa Tha Qaf-e-Qaatil Ki Shikan Mein
Maqtool Ki Tooti Howi Talwaar Bhi Mein Tha

Chheentay Hain Jahan Ab Mere Maasoom Lahoo Ke
Os Farq-e-Falak-Naaz Ki Dastaar Bhi Mein Tha

Meri Hee Sadaa Lout Ke Aayi Hai Mujhi Tak
Shayad Had-e-Aflaak Ke Os Paar Bhi Mein Tha

Manzil Pe Jo Pohancha Hun Tou Maaloom Howa Hai !
Khud Apnay Lye Raah Ki Deewaar Bhi Mein Tha

Ab Mere Taaruf Se Guraiza Hai TU Laikin
Kal Tak Teri Pehchaan Ki Mayaar Bhi Mein Tha

Dekha Tou Mein Afshaa Tha Har Ik Zehen Pe Mohsin
Socha Tou Pas-e-Parda Israar Bhi Mein Tha
----------------------

Aainay Per Kubhi

Aainay Per Kubhi Kitaab Mein Hain
Oski Aankhain Ajeeb Azaab Mein Hain

Thaktay Phirtay Hain Dhoop Mein Bachay !
Titliaan Saaya-e-Gulaab Mein Hain

Ek Kachay Gharay Ki Jurrat Per
Kitni Tugyaaniaan Chanaab Mein Hain

Wo Abhi Tak Hai Ru-Baruu Apnay,
Hum Abhi Tak Hisaar-e-Khwaab Mein Hain…!

Oski Aadat Hai Roothna Mohsin
Loog Be-Waja Iztaraab Mein Hain

Qadar-e-Johar

Qadar-e-Johar Hai Jo Pindaar Samait
Mujhko Parkho Mere Mayaar Samait

Roz Maangain Ye Dua Khaana-Badosh
Ghar Na Ujray Dar-o-Deewaar Samait

Kitni Banjar Howi Fasl-e-Aawaaz
Sheher Chup Chaap Hai Baazaar Samait

Kaash Loogon Ki Tarah Soye Chaman
Hum Bhee Jaayein Kubhi Dildaar Samait

Kon Karta Qad-o-Qaamat Ka Hisaab ?
Ik Qayaamat Tha Wo Raftaar Samait

Jin Ki Haibat Se Hiraasan Lashkar
Be-Nishaan Ab Hain Wo Talwaar Samait

Bujh Jaayein Kaheen Aankhain Meri
Yaad Aa , Mashal-e-Rukhsaar Samait

Khaak Urti Howi Sadyon Se Udhar
Qaaflay Guum Howay Saalaar Samait

Hawas-e-Darham-Dinaar Ki Khair
Loog Biknay Lagay Kirdaar Samait

Mein Ke “Mohsin” Hun Shaheed-e-Naamoos
Dafan Karna Mujhe Dastaar Samait

Ek Diya Dil

Ek Diya Dil Mein Jalaana Bhee, Bujhaa Bhee Dena
Yaad Karna Bhee Ose Roz Bhula Bhee Dena

Kia Kahoon Ye Meri Chaahat Hai Ke Nafrat Oski ?
Naam Likhna Bhee Mera, Likh Ke Mitaa Bhee Dena

Phir Na Milnay Ko Bicharta Hun Tujh Se Laikin
Murr Ke Dekhuun Tou Palatnay Ki Duaa Bhee Dena

Khat Bhee Likhna Mayoos Bhee Rehna Os Se
Jurm Karna Bhee Magar Khud Ko Sazaa Bhee Dena

Mujh Ko Rasmon Ka Takalluf Bhee Ganwaara Laikin
Jee Mein Aaye Tou Ye Deewaar Gira Bhee Dena

Os Se Mansoob Bhee Karlaina Puraanay Qissay
Os Ke Baalon Mein Naya Phool Sajaa Bhee Dena

Soorat-e-Naqsh-e-Qadam, Dasht Mein Rehna “Mohsin”
Apnay Honay Se Na Honay Ka Pataa Bhee Dena

Goya Andaaz

Goya Andaaz-e-Taazeem Hai Ameeron Jaisa
Mere Ander Ka Hai Insaan Faqeeron Jaisa

Ham Ne Chehray Pe Sajaa Rakhi Hai Sheher Ki Ronaq
Dil Ka Aalam Hai Veeraan Jazeeron Jaisa

Os Ke Ausaaf-o-Khasaail Ne Mujhe Jeet Lia
Meray Mureedon Mein Tha Shakhs Wo Peeron Jaisa

Is Se Pehlay Thi Aseeri Bhi Rehaayi Jaisi
Ab Ke Aazaadi Mein Hai Haal Aseeron Jaisa

Os Ko Ganwa Ke Hain Khasaaray Ab Tak “Mohsin”
Wo Jo Ik Shakhs Mere Saath Tha Heeron Jaisa

Karray Safar

Karray Safar Mein Agar Raasta Badalna Tha
Tou Ibtedaa Mein Mere Saath Hee Na Chalna Tha

Kuch Is Lye Bhee Tou Sooraj Zameen Pe Utraa Hai
Pahaarion Per Jami Barf Ko Pighalna Tha

Utar Ke Dil Mein Lahuu Zeher Kar Gaya Aakhir
Wo Saanp Jis Ko Meri Aastee.n Mein Palnaa Tha

Ye Kia Ke Tohmatain Aatish-Fishaan Ke Sar Aayein
Zameen Ko Yun Bhee Khazaana Kubhi Ugalna Tha

Mein Lagzishon Se Atay Raaston Pe Chal Nikla
Tujhe Ganwa Ke Mujhe Phir Kahan Sambhalna Tha ?

Ajab Naseeb Tha “Mohsin” Ke Baad-e-Marg Mujhe
Charaagh Ban Ke Khud Apni Lehad Pe Jalna Tha

Jab Teri Dhunn

Jab Teri Dhunn Mein Jiya Kartey Thay..!!
Hum Bhi Chup Chaap Phira Kartey Thay..!!

Aankh Mein Piyaas Howa Karti Thi..!!
Dil Mein Tofaan Utha Kartey Thay…!!

Logg Aatey Thay Ghazal Sunney Ko..!!
Hum Terii Baat Kiya Kartey Thay ..!!

Sach Samajhtey Thay Teray Wadoon Ko..!!
Raat Din Ghar Mein Raha Kartey Thay…!!

Kisi Veeranay Mein Tujsey Milkar..!!
Dil Mein Kiaa Phool Khila Kartey Thay..!!

Ghar Ki Dewaar Sajanay Kay Leye..!!
Hum Teraa Naam Likha Kartey Thay..!!

Woh Bhi Kia Din Thay Bhulaa Kar Tujhko..!!
Hum Tujhey Yaad Kiya Kartey Thay..!!

Jab Teray Dard mein Dil Dukhta Tha…!!
Hum Teray Haq Mein Dua Kartey Thay…!!

Bujhnay Lagta Jo Chehra Tera..!!
Daagh Seenay Mein Jala Kartey Thay..!!

Apnay Jazboon Ki Kamandon Say Tujey..!!
Hum Bhi Taskheer Kiya Kartey Thay..!!

Apnay Aansoo Bhi Sitaroon Ki Tarah..!!
Teray Hontoon Pay Saja Kartey Thay..!!

Chairta Tha Ghum-e-Duniya Jab Bhi..!!
Hum Teray Ghum Say Gilla Kartey Thay..!!

Kal Tujey Dekh kay Yaad Aya Hay..!!
Hum Sukh’noor Bhi Howa Kartey Thay…!!

Chalo tum sath

Chalo tum sath mat dena... Mujhy beshak bhula dena... Naye sapne saja lena... Naye rishte bana lena... Bhula dena sabhi waday Sabhi qasmen sabhi Naty... Tmhen jana! ijazt hay... Jo dil chahe wo sab karna.. Magar ab tum kisi se bhi..! Adhora Pyar Mat Karna..

MOHABBAT JEET

MOHABBAT JEET HOTI HAI MAGAR YEH HAAR JAATI HAI KABHI DIL SOZ LAMHON SE KABHI BEKAR RASMON SE KABHI TAQDIR WALON SE KABHI MAJBOR QASMON SE MAGAR YEH HAAR JATI HAI KABHI YEH PHOOL JAISI HAI KABHI YEH DHOL JAISI HAI KABHI YEH CHAND JAISI HAI KABHI YEH DHOOP JAISI HAI KABHI YEH MASROR KARTI HAI KABHI YEH ROOG DETI HAI KISI KA CHAIN BANTI HAI KISI KO ROND DETI HAI KABHI LE PAAR JATI HAI KABHI YEH MAAR JATI HAI MOHABAT JEET HOTI HAI MAGAR YEH HAR JATi HAI...

muhabbat phool hoti hay

muhabbat phool hoti hay,
muhabbat zehr hooti hay,

muhabbat boond bhar paani,
muhabbat dhaar hooti hay,

muhabbat dushman e jaan bhi,
muhabbat yaar hooti hay,

muhabbat jeet bhi shayad,
muhabbat haar hooti hay,

muhabbat takht hoti hay,
muhabbat daar hooti hay,

kabhi aisay bhi hoota hay,
muhabbat paas dikhti hay,
magar uss paar hooti hay

Aqs Khushbu Hun

Aqs Khushbu Hun, Bikharnay Se Na Rokay Koi
Aur Bikhar Jaon Tou Mujhko Na Samaitay Koi

Kaanp Uthti Hun Mein Ye Soch Ke Tanhaayi Mein
Mere Chehray Pe Tera Naam Na Parh Le Koi

Jis Tarah Khwaab Mere Hogaye Raiza Raiza
Is Tarah Se Na Kabhi Toot Ke Bikhray Koi

Mein Tou Is Din Se Hiraasaan Hun Ke Jab Hukm Milay
Khushk Phoolon Ko Kitaabon Mein Na Rakhay Koi

Ab Tou Os Raah Se Wo Shaks Guzarta Bhee Nahee
Ab Kis Umeed Pe Darwaazay Se Jhaankay Koi?

Koi Aahat, Koi Aawaaz, Koi Chaap Nahee
Dil Ki Galyaan Badi Sunsaan Hain, Aaye Koi

Mohabbat Khuwab Hoti Hai

Mohabbat Khuwab Hoti Hai,

Mohabbat Baat Hoti Hai,

Jo Koi Poch Baithay To,

Mohabbat Raaz Hoti Hai,

Machalti Hui Umangoon Ka

Suhana Sath Hoti Hai,

Jo Koi Dhondna Chahay,

To Yai Nayab Hoti Hai,

Mohabbat Phool Hai Shayad,

Ghamoon Ki Dhool Hai Shayad,

Chamakti Raat Hai Shayad,

Kisi Ki Yaad Hai Shayad,

Mohabbat Pur Sukoon Bhi Hai,

Mohabbat Pehchan Hoti Hai,

Agar Mil Na Sakay To Phir,

.

.

.

.

.

.

.

.

.

.

.

Azaab-e-Jaan Hoti Hai.

Mohabbat Jeet Hoti Hai!

Mohabbat Jeet Hoti Hai!
Magar Ye Har Jati Hai!
Kabhi Dil Soz Lamhun Se
Kabhi Bekar Rasmoon Se
Kabhi Taqdeer Walun Se
Kabhi Majboor Kasmoon Se
Mohabbat Jeet Hoti Hai
Magar Ye Har Jati Hai
Kabhi Ye Phool Jaisi Hai
Kabhi Ye Dhool Jaisi Hai
Kabhi Ye Chand Jaisi Hai
Kabhi Ye Dhoop Jaisi Hai
Kabhi Masroor Karti Hai
Kabhi Ye Rog Daiti Hai
Kabhi Le Par Jati Hai
Kabhi Ye Mar Jati Hai
Mohabbat Jeet Hoti Hai!
Magar Ye Har Jati

Yeh tum se keh

Yeh tum se keh diya kis ne
Kay tum bin reh nahi saktay

Yeh dukh, hum seh nahi saktay
 Chalo, hum maan laitay hai

Kay tum bin, hum buhat roye
Ke raaton ko na soye

Magar, afsos hai jana
Kay ab kay tum jo louto gey

Humain tabdeel paao gey
Buhat mayoos hogey tum

Kay agar poochhna chaho kay,
Aisa kyon kiya hum ne

Tou sunn loo ghour se jana
Poorani eik riwaayat tang aa ker tor di hum ne

Tum Bin Jiya Jaye Kaise

Tum Bin Jiya Jaye Kaise

Kaise Jiya Jaye Tum Bin

Sadiyon Se Lambi Hai Ratein

Sadiyon Se Lambe Huye Din

Aa Jao Lautkar Tum Ye Dil Keh Raha Hai

Aa Jao Lautkar Tum Ye Dil Keh Raha Hai

Phir Shamein Tanhaiiii Jagi

Phir Yaad Tum Aa Rahe Ho

Phir Ja Niklne Lagi Hai

Phir Mujhko Tadpa Rahe Ho

Phir Mujhko Tadpa Rahe Ho

Is Dil Main Yadon Ke Mele Hai

Tum Bin Bahot Hum Akele Hai

Aa Jao Lautkar Tum Ye Dil Keh Raha Hai

Aa Jao Lautkar Tum Ye Dil Keh Raha Hai

Kya Kya Na Socha Tha Maine

Kya Kya Na Sapne Sajaye

Kya Kya Na Chaha Tha Dilne

Kya Kya Na Arma Jagaye

Kya Kya Na Sapny Sajaye

Is Dil Se Tufaan Guzarte Hain

Tum Bin Na Jeete Na Marte Hain

Aa Jao Lautkar Tum Ye Dil Keh Raha Hai

Aa Jao Lautkar Tum Ye Dil Keh Raha Hai

Wo kehti hai suno jaana,

Wo kehti hai suno jaana,
Mohabbat moum ka ghar hai,
Tapish-e-bud-gumani ki,
Kahin pighla na de is ko?

Main kehta hoon,
Jis dil main zara bhi bad-gumani ho,
Wahan kuch aur ho to ho,
Mohabbat ho nahi sakti,

Wo kehti hai sada aise he,
Kia tum mujh ko chaho ge?
K main is main kami koi bhi,
Gawara ker nahi sakti,

Main kehta hoon,
Mohabbat kia hai ye tum ne sikhaya hai,
Mujhe tum se mohabbat k siwa,
Kuch b nahi aata,

Wo kehti hai,
Judai se bohat darta hai mera dil,
K khud ko tum se hat ker dekhna,
Mumkin nahi hai ab,

Main kehta hoon,
Yahi khadshe bohat mujh ko satate hain,
Magar sach hai mohabbat main,
Judai saath chalti hai,

Wo kehti hai,
Batao kia mere bin jee sako ge tum?
Meri baaten, meri yaaden, meri aankhen,
Bhula do ge?

Main kehta hoon,
Kabhi aisi baat per socha nahi main ne,
Ager ek pal ko bhi sochon to,
Saansen rukne lagti hain,

Wo kehti hai tumhen mujh se,
Mohabbat is qader kyon hai?
K main ek aam si larrki,
Tumhen kyon khaas lagti hon?

Main kehta hoon,
Kabhi khud ko meri aankhon se tum dekho,
Meri dewaangi kyon hai,
Ye khud he jaan jao gi,

Wo kehti hai,
Mujhe waraftgi se dekhte kyon ho?
K main khud ko bohat,
Qeemti mahsoos kerti hoon,

Main kehta hon,
Mata-e-jaan bohat anmol hoti hai,
Tumhen jub dekhta hoon zindgi,
Mahsoos kerta hoon,

Wo kehti hai,
Mujhe alfaz k jugno nahi milte,
K tumhen bata sakon,
K dil main mere kitni mohabbat hai,

Main kehta hoon,
Mohabbat to nigahon se jhalakti hai,
Tumhari khamoshi mujh se,
Tumhari baat kerti hai,

Wo kehti hai,
Batao na kiss ko khone se darta ho?
Batao kon hai wo jise,
Ye mousam bulate hain?

Main kehta hoon,
Yeh meri shayeri hai aaina dil ka,
Zara dekho batao kia,
Tumhen is main nazar aaya?

Wo kehti hai,
 Naveed jee bohat baaten banate ho,
Magar sach hai ye baaten,
Bohat he shaad rakhti hain,

Main kehta hoon,
Yeh sub baaten ye fasane ek bhana hain,
K pal kuch zindagani k,
Tumhare saath kat jayen,

Phir us k baad khamoshi ka,
Dilkash raqs hota hai,
Nigahen bolti hain aur,
Lub khamosh rehte hain…!!

KABHI JO HUM NAHI HON GAY...

KABHI JO HUM NAHI HON GAY...
kaho kis ko batao gay..
wo apni uljhanain sari
wo bechaini mein dobay pal..
wo ankhon may chupay ansoo
kisay phir tum dikhao gay..
kabhi jo hum nahi hon gay..
bohat bechain ho gay tum..
bohat tanha rah jao gay..
abhi bhi tum nahi samjhay..
hamari unkahi batain..
magar jab yaad aain gay
bohat tum ko rulaain gya..
bohat chaho gay pir bhi tum
hamain na dhond pao gay..
KABHI JO HUM NAHI HON GAY......

Khirki, Chand, Kitab Aur main

Khirki, Chand, Kitab Aur main

Khirki, Chand, Kitab Aur main
Muddat Se ik Baab Aur main

Shab Bhar Khailain Apus main
Do Ankhain ik Khawab Aur main

Mouj Aur Kashti, Sahil par
Deriya main Gardab Aur main

Shaam, Udasi, Khamoshi
Kuch Kankar, Talaab aur main

Har Shab Pakray Jatay hain
Ghari Neend Khawab Aur main..

Har shy ka soda hota he

Har shy ka soda hota he
Her cheez bikaau hoti he

Har fard yaha per taajir he
Har waqt tijaarit hoti he

Tum ap he apne daam kaho
Chup k nhi sar_e_aam kaho

Kya lo ge apni yari ka
Kya lo ge tum dildaari ka

Gham_khwar bno ge kitne men
Tum pyar kro ge kitne men

Sb jazbay meray naam kro
Ham naam tum apna daam kaho

Par daam chukane ki khatir
Ham apna daftar kholen to

Ham apni jaib tatolen to
Bus pyar mily ga thora sa

Azaar mily ga thora sa
Ye sikay yaha kb chalte hen

Kya udhar mily ga thora sa
Ye dunia bay_aitbarie ki

Ye arz he hr beyopari ki
Chal chor tamana jazboun ki

Bas souday hi dekh aaen ham
Ham khali hath hi aaye thay
Chal khali hath hi jayen hum.

Kbi wo pas hota

Kbi wo pas hota hay kbi wo door hota hay



kbi plkain bichata hay kbi mghror hota hay



kbi naraz hota hay sun kr guftgu mri



kbi khmoshion me B, bahot masroor hota hay



kbi wo faisla krta hay mujh se door rehny ka



kbi mry hwalay se wo khud mashhoor hota hay



kbi wo lena chata hay apny piyar ki qeemat

DOST

kbi bey daam bikna B, usy manzoor hota hay.

Wohi Aadat Hy Bachoon Jaisi,

Wohi Aadat Hy Bachoon Jaisi,

K Jistreh Koi Bcha,

Khilona Mangta Hy,

Khelta He Phenk Deta Hy,

Isi Treh Woh Mujh se He,

Mujhi Ko Mangta Hy,

Khelta He Phenk Deta Hy,

Mgr Jb Doosra Koi,

Mjhe Aa ker Uthaiy,

To Wo Aaker Haq Jatata Hy,

K Ye Mera Khilona Hy,

Usay Kaisy Mein smjhao,

Kisi K Pyaray Jazboon Se,

Is tarah Khela Nhi Krty,

Magr Kaisy woh Smjhay ga,

Abhi Us Shakhs Ki Shaid,

Wohi Aadat Hy Bachon Jaisi.

Mohabbat ki tabiyyat mein

Mohabbat ki tabiyyat mein

Ye kaisa bachpana kudrat ne rakha hai

Ke ye jitni purani jitni bhi mazboot ho jaye

Ise taeed-e-taaza ki zarorat phir bhi rehti hai

Yaqeen ki aakhri hadon tak dilon mein lehlahati ho

Nigahon se tapakti ho,lahu mein jagmagati ho

Hazaron tarah ke dilkash, haseen haale banati ho

Ise izhaar ke lafzon ki hajat phir bhi rehti hai

Mohabbat maangti hai yun gawahi apne hone ki

Ke jaise,tafl sada shaam ko ik beej boye

Aur shab mein baarha uthe

Zameen ko khod kar dekhe ke poda ab kahan tak hai

Mohabbat ki tabiyyat mein ajab takrar ki khu hai

Ke ye iqrar ke lafzon ko sun?ne se nahi thakti

Bicharne ki ghari ho ya koi milne ki sa?at ho

Ise bus aik hi dhun hai

Kaho, mujhse mohabbat hai

Tumhein, mujh se mohabbat hai

Kaho, mujhse mohabbat hai

Bas aik mafi

Bas aik mafi, hamari toba



Kabhi jo hum ab, sataein tum ko



Lo Hath jorey lo Kaan pakre



Ab or kesay mannaein Tum ko,



Tumhare Aate hi is nagar se



Mujhe raqabat c ho gai he



Me ye sharakat bhi kesy seh lon



K choo rahi hein hawaaein tum ko



Tum aina ho, or sang baari



Yahan k logon ka Mashgala he



Har ek pathar se dhaal ban kar



Bhala kahan tak bachaaein tum ko



To kya tum ab tak, Hamari nazroon



K sub taqazoon se,, Be-khabar ho



Hamein mohabbat hai tum se pyarey



Ab or kesay bataaein tum ko,



Bataein tum ko bichertey lamhey



Labbon ki larzish ka kya sabab tha



Suna tha waqt-e-qabooliat hai



So day rahe the duaeein tum ko



Bas aik mafi, hamari toba



Kabhi jo hum ab, sataein tum ko



Lo Hath jorey lo Kaan pakre



Ab or kesay mannaein Tum ko....!

Wo Aksar Mujh

Wo Aksar Mujh Se Kehta Tha
Tum Be Had Shor Machati Ho

Phir men us se kehti thi,
Jb pyar se mujhe bulao ge,
Tb dorr k men to aaongi,
Tb payal meri chanke gi
Payal ka shor to hoga hi

Jb meri qalaai pakro ge,
To choori meri khanke gi,
Choori ka shor to hoga hi

Jb bindya meri chamke gi,
Aankhon me tumhari damke gi,
Tb jazbe shor mchain ge,
jazbon ka shor to hoga hi

Mere jhumke se jb khelo ge,
Wo gaal ko mere choome ga,
Be chain se tum ho jao ge,
Ik lehar uthe gi seene mein,
Is lehar ka shor to hoga hi

Meri zulfon ko suljhate hue,
Mere gajre ko bikhrao ge,
Tb sansein tumhari mehkein gi,
Saanson ka shor to hoga hi

Jb pas mere tm ao ge,
Ik barq si tan me dorre gi,
Man behka sa hojae ga,
Hr dharkan shor machae gi,

Dharkan ka shor to hoga hi

Wo Aksr Mujh Se Kehta Tha
Tum Be Hadd Shor Machati Ho

apne dil ki halat

apne dil ki halat wo kisi ko dikhata na tha,
usey kya gham tha wo kisi ko btata na tha,

logon ko hansane k wasty zindgi bita di us ne,
kitna ajeeb tha wo shakhs khud muskurata na tha,

jaane kis k intzar men baitha rahta tha subh-o-sham,
misl_e morat bana wo palak b jhapkata na tha,

aaj reh reh kar yaad aaya wo,
jo "dua de kar bhi dua" batata na tha...!!

Chalo Ham Maan

Chalo Ham Maan Lete Hain.
Tumhen Hum Kho Chuke Lekin.

Tumhari Yaad Ab Tak Bhi.
Hamen Betaab Rakhti Hai.

Hamaari Saans Ab Tak Bhi.
Tmhaari Aas Rkhti Hai.

Mgr Ab Ye Bhi Sunte Hain.
Tumhaari Raah Roshan Hai.

Tumhen Hai Mil Gaya Koi.
Magar Afsos..!b
Ham Jesa.. Agar Paao Kahin Tum To
.
Mujhe Do Lufz Likh Dena.. K....
MANZIL MIL GAI MUJH KO.

Thi gar aanay

Thi gar aanay mein maslehat hayil
Yaad aana koii zaroori tha?

Daikhiye ho gaii ghalat fehmi
Muskuraana koii zaroori tha?

Lijiye baat hi na yaad rahi
Gungunaana koii zaroori tha?

Gunguna kay mairi jawan ghazlein
Jhoom jaana koii zaroori tha?

Mujh ko paa kar kisi khayal mein gum
Chup kay aana koii zaroori tha?

Uf wo zulfein, wo naaganein, wo hansi
Yoon daraana koii zaroori tha?

Aur aisay eham mazaq kay baad
Rooth jaana koii zaroori tha?

wo kehti hai

wo kehti hai

Tujhe Dekh ke Khanakti hai kyun Meri Chooriyan ?

aur hum kehte hai

Inhe Mujhse Pyar Hai

hum poochte hai

Teri Tasveer Saaji hai DIL ke Aaina May

Barhne Na Denge Gham ke Kadam Tak

Mujhe Dekh ke Chamakti hai kyun Teri Bindiyan ?

Kya Inhe Mujhse Pyar Hai ?

aur wo kehti hai

Issey Tujhse Pyar Hai

Koi Dhunde Apne Khuda ko, Koi Apne Priya Ko

Apna Khuda Bhi, Apna Priya Bhi Mil Gaya Tujh mein Humko

Kar liye wade khai kasam tak, Sangam Hoga Janam Janam Tak

Koi waqt purana

Koi waqt purana yaad aya.

Koi dour sohana yaad aya.

Or chalk sey un deevaron par,

Kuch likh kar jana yaad aya.

Tera milna neem ki chaaon main,

Or sar rakh daina kandhy par,

Mera ye kehna,koi daikh na ley,

Tera wo ghabrana yaad aya.

Kabhi aisa bhi to hota tha,

Men tujhko chorrny jata tha,

Jab wapas aany lagta tha,

Tera hath hilana yaad aya.

Wo waqt gaya,beety lamhy,

Ab har janib tanhai hai,

Ab aik hi manzar aankhon main,

Tera chorr k jana yaad aya

Yaar bhi raah

Yaar bhi raah ki deewar samajhty hain mujhy.

Men samajhta raha sab yaar samajhty hain mujhy.

Men to yoon chup hoon k andar sey bohat khaali hoon,

Or sab loag pur'israar samajhty hain mujhy.

Men badalty huey haalat main dhal jaata hoon,

Daikhny waaly adaa'kaar samajhty hain mujhy.

Wo jo us paar hain, un k liye is paar hoon men,

Wo jo is paar hain, us paar samajhthy hain mujhy.

Naik loagon main mujhy naik gina jaat hai,

Or gunah'gaar, gunaah'gaar samajhty hain mujhy.

Kabhi baarish barasti hai

Kabhi baarish barasti hai,

To mujh ko yaad aata hai.

Wo mujh sey aksar kehta tha,

Muhabbat aik baarish hai.

Sabhi pey jo barasti hai.

Magar phir bhi nahi hoti

Sabhi k waasty yaksan.

Kisi k waasty rahat,

Kisi k waasty zehmat.

Men aksar sochta hoon ab.

Wo mujh sey theek kehta tha.

Muhabbat aik baarish hai.

Sabhi pey jo barasti hai.

Kabhi mujh pey bhi barsi thi.

Magar mery liye baarish,

Kabhi na ban saki rahat.

Ye rahat kion nahi banti?

Kabhi men khud sey poochon to,

Ye dil daita duhaayee hai.

Kabhi kachy makanon ko bhi baarish raas aayee hai?

Tumhen jo be-sabab

Tumhen jo be-sabab mujh sey khafa hony ki aadat hai.

Ye aaghaaz-e-judai hai k andaaz-e-muhabbat hai?

Wafa k rang main daikho,jafa achi nahi hoti,

Kisi sey pyar main itni anaa achi nahi hoti,

Chalo ab maan bhi jaao,bohat si ho chuki ranjish,

Kisi din or kar laini ye poori tum apni khawahish,

Faqat kehny ki baatain hain,nibhata kon hai kis ko?

Chalo ab daikh laity hain,manata kon hai kis ko?

Koi ehsas

Koi ehsas bhi usko yaad nahi.

Koi baat bhi usko yaad nahi.

Ik shakhs ney usko chaha tha,

Wo zaat bhi usko yaad nahi.

Jab shab ki bijli chamki thi,

Or baadal toot k barsa tha,

Ham donon jis main bheegy they,

Wo barsaat bhi usko yaad nahi.

Wo sahil,darya,phool,hawa,

Wo wada saath nibhany ka,

Or shab bhar chand ko daikha tha,

Wo raat bhi usko yaad nahi.

Wo kehta tha men sunta' tha,

Men kehta tha wo sunta tha,

Un laakhon baaton main koi,

Ik baat bhi usko yaad nahi.

Yahan uljhy uljhy

Yahan uljhy uljhy roop bohat.

par asli kam,beh-roop bohat.

Us pairr k neechy kya rukna,

Jahan saya kam ho,dhoop ho bohat.

Chal "Insha" apny gaaon main.

Baithain gey sukh ki chaaon main.

Kion teri aankh sawali hai?

Yahan har ik baat niraali hai.

Is dais basaira mat karna,

Yahan muflis hona gaali hai.

Chal "Insha" apny gaaon main.

Jahan sachy rishty yaariyon k.

Jahan ghoongat,zewar naariyon k.

Jahan jharny komal sur waly,

Jahan saaz bajy bin taaron k.

Chal "Insha" apny gaaon main.

Jab men ney

Jab men ney us sey poocha tha,

Kya dhoop main barish hoti hai?

Wo hansty hansty rony lagi.

Or dhoop main barish hony lagi.

Wo naazuk si kali, murjha si gayee,

Or ro kar mujh sey kehny lagi,

Tum chorr na jana o sajan,

Dil torr na jana o sajan,

Tum kya jano dhoop ki barish,

Tum kya jano hijar k gham,

Jab tum door they mujh sey o sajan,

Mery hath ki choorri or kangan,

Jab geet tumhary gaaty they,

Mujhy yaad bohat tum aaty they,

Men hansty hansty roti thi,

Or dhoop main baarish hoti thi

Wo shakhs kabhi

Wo shakhs kabhi dasht sey guzry usy kehna.

Ik pal mery ghar main bhi thehry usy kehna.

Kehna k sumandar k kinary pey na jaye,

Kuch loag sumandar sey bhi hain gehry usy kehna.

Zar'khaiz zameenain kabhi banjar nahi hooteen,

Darya hi badal laity hain rasty usy kehna.

Is shehar main sach keh k gunah'gaar na hona,

K basti k sabhi loag hain behry usy kehna.

Suno logo

Suno logo, meri aankhain khareedo gey?

Mujhy ik khawab ka taawaan bharna hai.

Ik aisa khawab jo jaagti aankhon sey daikha tha,

Bohat hi chaao sey or kitny armaanon sey daikha tha,

Magar daikhy huey is khawab ki taabeer ulti thi,

Nahi shikwa kisi sey, apni hi taqdeer ulti thi,

Jo ab tak ho chuka hai mujh ko, wo nuqsaan bharna hai.

Ab aankhain baich kar hi khawab ka taawaan bharna hai.

Kaha tum ney,

Kaha tum ney,

mujhy dil sey bhula do tum.

Mita do tum.

Chalo men maan laita hoon,

Tumhen men apny is dil sey,

Bhula doon ga, mitaa doon ga.

Magar ik kaam to kar do,

K dariya k kinaaron ko,

Kisi soorat mila do tum.

Sitaary torr kar laa do,

Ya phir is phool sey khushbu,

Juda kar k dikha do tum.

Suno! Tum kar bhi lo aisa,

Kinaary jorr bhi laao,

Sitaary torr bhi laao,

Chaman k saary phoolon sey,

Juda khushbu ko kar do tum.

Magar men tum ko is dil sey,

Mita phir bhi nahi sakta,

Suno! Men mar to sakta hoon,

Bhula phir bhi nahi sakta.

Us simt chaly

Us simt chaly ho to bas itna usy kehna.

Ab koi nahi hai harf-e-tamanna usy kehna.

Duniya to kisi haal main jeeny nahi daiti,

Chahat nahi hoti kabhi ruswa usy kehna.

Us ney hi kaha tha to yaqeen men ney kiya tha,

Umeed pey qayam hai ye duniya usy kehna.

Zarkhaiz zameenain kabhi banjar nahi hoteen,

Darya hi badal laity hain rasta usy kehna.

Kuch log safar k liye mouzu nahi hoty,

Kuch raasty nahi kat'ty tanha usy kehna.

Kitaab-e-dil

Kitaab-e-dil main jo nafrat ka baab rakhta tha.

Wo chaahaton ka mukammal hisaab rakhta tha.

Fraib daita raha dil lagi k pardon main,

Wo shakhs chehry pey kitny naqaab rakhta tha.

Us k haathon main pathar dikhaai daity hain,

Jo apny haathon main har dam gulaab rakhta tha.

Wo shakhs jo bhatak'ta dikhaai daita hai,

Raah-e-wafa main qadam kaamyaab rakhta tha.

Kahan tlash karoon men us ko "Mohsin"?

Jo apni baat main apna jawab rakhta tha.

Hamain Daryaft Karne

Hamain Daryaft Karne se Hamein Taskheer karne Tak

Bohat hen Marhalay Baqi, Hamein Zanjeer karne Tak

Hamare Hijar k QisSe, Samaito ge to likho ge

HazarOn Baar Socho ge, Hamein Tehreer karne Tak

Hamara Dil Hai Pemana, So Pemana To Chhalke ga

Chalo 2 GhoNt Tum Bhar lo, Hamein Taseer karne Tak

Purane Rung Choro Ankh k, ik runG he Kafi hai

Mohabbt se Chashm Bhar lo, Hamein Tasvir karne Tak

Hunar Takmeel se Pehle, Musavir bhi Chupata hai

Zara Tum bhi Chupa rakho, Hamein Tameer karne tak

Wo Humko Roz lot'te hain, aDaon se BahanOn se

Khuda rakhe ! lutter0n ko, Hamein Faqeer karne Tak

Chup chaap rehna

Chup chaap rehna, kuch na kehna,

Ye bhi aik udaasi hai.

Hans k saary sadmy sehna,

Ye bhi aik udaasi hai.

Baithy baithy kho jana,

Yoonhi door khayalon main,

Chalty chalty hansty rehna,

Ye bhi aik udaasi hai.

Dil ki baatain sun kar hansna,

Ye to sab ki aadat hai,

Gham ki baat pey hansty rehna,

Ye bhi aik udaasi hai.

Maar k kankar lehrain gin'na,

Baith k jheel kinary par,

Kuch logon ka hai ye kehna,

Ye bhi aik udaasi hai.

Mil hi jaye

Mil hi jaye ga kahin dil ko yaqeen rehta hai,Wo isi shehr ki galion mein kahein rehta hai.Ik zamana tha k sb aik jaga rehty thay.Or ab koi kahein koi kahein rehta hai.Jis ki saanson se mu'attar thay dar-o-deewar tere.Ay makaan bol kahan ab wo makeen rehta hai.Roz milny pe b lagta hai k jug beet gaye.Ishq mein waqt ka ehsas nhin rehta hai.Dil fsurda to hua dekh k usko lekin. Umar bhar kon jawan kon haseen rehta hai.

*************************

zara jo door jate ho

zara jo door jate ho

tab ahsas hota hai

k baqi kuch nahi rahta

mere jivan k angan main

meri khushion k daman main

tere bin kuch nahi rahta

udasi chai rahti hai

sapne adore se lagte hain

din sadion se lagte hain

in ankhon ki jalti lo

madhm perne lagti hai

umeden marne lagti hain

Suno Wafa ki

Suno Wafa ki Dastan-E-Gham Chalo Tum ko Sunate Hain,

Jo Dil PaR Daagh Hain Apne Sabi Tum ko Dikhate Hain,

Suno Neendain Nahi Aati k Dil Betaab Rehta Hai,

Kabi Titli k kache Rang kabi Jugnu Staty Hain,

Suno Jab Sham Hoti Hai AndheRon Se khafa Ho kaR,

Kisi ki Yadon k MandeR Main ChaRagh-E-ShaB Jalatay Hain,

Bohat khud Pe JabR kaR k Mohabbat ka SafaR kaR k,

Bas Itna Jaan Payia Hon Mohabbat ‘MAR’ Nahi Sakti,

Mohabbat ‘MAAR’ Deti Hai?

Sono Chanda

Sono Chanda Tum Kiun Satatay Ho

Mujhe Kitna Rulatay Ho

Muijhe Tumse Muhabbat Hai

Mujhe Kiun Aazmatay Ho

Tumhi Ko Yaad Karte Hain

Tumhi Ko Pyar Karte Hain

Meri To Zindagi Tum Ho

Samaj Tum Kiun Na Patay Ho

Meri To Her Khushi Tum Se

Meri To Zindagi Tum Se

Meri Her Aarzo Tum Se

Mujhe Kiun Satatay Ho

Mera Dil Tarapta Hai

Na Tum Bin Kahin Pe Lagta Hai

Tumhare Pass Jana Hai

Yehi Her Pal Yeh Kehta Hai

To Phir Tum Kiun Na Atay Ho

Kabhi Jo Ehsaas Ho Tumko ,

Kabhi Jo Ehsaas Ho Tumko ,

Kay Tum Acha Nahi Kartay ,

Jo Mujh Ko Yun Rulatay Ho ,

Lahu Mera Jalatay Ho ,

Agar Is Aag Main Jal Kar ,

…Main Ek Din Raakh Ho Jaon,

Mujhay Dil Say Bhula Dena ,

Samandar Main Baha Dena ,

Magar Ye Yaad Rakhna Tum ,

Khuda Say Yeh Dua Karna ,

Kay Jo Acha Lagay Tumko

Wo Tum Jaisa Kabhi Na Ho …!

abhi urooj par

abhi urooj par hai tumhara mausam,
khizaan main tum ko khareed lain ge,

wafa bohat hum bhi kar chuke hain,
jafa bhi tumhin se seekh lain ge,

tumhen mubarak ho tumhari surat,
ye bangla,gari makaan sara,

tumhara gher k zaviye main hum bhi,
chota sa jhompharr khareed lain ge,

kya sitam hai yeh tumhara chehra,
agarche khawabon main dhondte hain hum,

lahu lahu tak tumhari khatir,
hum apne dil se waeed lain ge,

wo jis pe tum ne sitam kiye hain,
'' KHUDA '' gawah hai sanam hamare,

dua dua hum b karte karte,
hum apne RAB se he jeet lain ge,

Abhi Urooj Par Hai Tumhara Mausam,
Khizaan Main tum Ko Kharey

Na badly mosam itne jaldi

Wo jitne jaldi budal raha hy.
****21/8/12-8:12pm****

bohat aasan hai kehna

bohat aasan hai kehna

mohabbat tumse karte hain

magar matlab mohabbat ka

samajh lena nahi aasan

mohabbat pa k kho dena

mohabbat kho k pa lena

ye on logon k qissay hain

mohabbat k jo mujrim hain

jo mil janay pe hanste hain

bichar janay pe rotay hain

suno

mohabbat karne walay to

bohat khamosh rehte hain

jo qurbat main bhi jeete hain

jo furqat main bhi jeete hain

na woh faryad karte hain

na woh ashkon ko peete hain

bohat aasan hai kehna

mohabbat tumse karte hain.....

Kuch Khwab

Kuch Khwab The Meri Ankhon Mein

Tujhe Pa Lene Ki Chahat Thi…….!

Chand Lafzoon Mein Hi Kehta Hu

Mujhe Tum Se Bahut Mohabbat Thi

Per Tum Kya Jano Chahat Ko……!

Tumhe Ho Jati To Poochta mai

Dil Jab Jab Toot Ke Rota Hai……… !

Kya Dard Tumhe Bhi Hota hai

Ye Khwaab Haqeeqat Ho Jaye

Kisi Apne Jaise Sang-dil Se…….!

“Tujhe Kash Mohbbat Ho Jaye”