Shareer Chirhio.

Shareer Chirhio..
Suno!
Mujhy ik Gila hai tum se,
K moonh andheray,
Tmhari buk buk tmhari jhak jhak,
Tmhari Chou'n Cha'n,
Smato'n par tumhari dastak,
Hai ghul mchaati mujhy jagati bara stati,

Shareer chirhio..
Yeh tum na jaano,
Main raat mushkil sy so saki the,
Udaasion k samundron mein,
Main apni aankhain dabo chuki the,
Bohut sy takiye bhigo chuki the,
Chalay gaye sab hi janay walay,
Dassain judaai k naag kalay,
Parray hain kiun mujh ko jaan k laaly,
Yeh tum na jaano yeh tum na jaano,

Shareer Chirhio..
Hai chehch'haana agar zarori,
Nai seher ki naveed laao,
Koi navayla sa geet gaao,
Mujhay jagana hy gar zarori,
To sun lo pehlay,

Shareer Chirhio..
Mere muqadar jo aik mudat sy so rahay hain,
Unhain jagao....

Shareer Chirhio... Unhain jagao....