Us simt chalay ho toh bas itna ussay kehna,

Us simt chalay ho toh bas itna ussay kehna,

Ab koi nahi hurf-e-tamanna ussay kehna!.

Us nay hi kaha tha toh yaqeen main nay kiya tha,

Umeed pay qaayam hai yeh duniya ussay kehna!.

Duniya toh kisi haal main jeenay nahi dayti,

Chahat nahi hoti kabhi ruswa ussay kehna!.

Zarkhaiz zameenain kabhi banjar nahi hoteen,

Darya hi badal letay hain rasta ussay kehna!.

Woh meri rasaayi main nahi hai toh ajab kiya,

Hasrat bhi toh hai ishq ka lehja ussay kehna.

Us simat chalay ho toh bas itna ussay kehna!!!

Kuch log safar kay liye mouzoo'n nahi hotay,

Kuch raastay kat-tay nahi tanha ......Ussay Kehna.!!