Barish Main

Barish Main

Uthaney ko ye dil chahey tera her naaz barish main,
k bhata hi nahi mujh ko koi naraz barish main..

jo chahoon gungunana to dil e sada mera ro de,
najaaney kho gaya hai kyuN mera her saaz barish main..

ghata chatey hi kali takney lagta hai fizaaon main,
najaaney sochta hai kia mera 'Naraz' barish main..

thithartey lub, latein uLjheen, simat'ta bheegta Anchal,
k hota munfarid hai kab mera andaz barish main..

Nazara jin ka dil k dard ka derman ban jaye,
k milta hai faqat phoolon ko Ye aejaz barish main..

karey mausam main jab mujh se taalluq wo nahi rakhta,
uthaye jata hai phir kyun mera her naaz barish main..

Chupa hai dard kia dil main jo boondon se ubharta hai,
Jia kyun kupkupati hai teri aawaz barish main !