کبھی تونے خود بھی سوچا

کبھی تونے خود بھی سوچا
کہ یہ پیاس ھے تو کیوں ھے ؟؟

تجھے پا کے بھی میرا دل
جو اداس ھے تو کیوں ھے ؟؟

مجھے کیوں عزیز تر ھے
یہ دُھواں دُھواں سا موسم

یہ ھوائے شام ھجراں
مجھے راس ھے تو کیوں ھے ؟؟

تجھے کھو کے سوچتا ھوں
مرے دامنِ طلب میں

کوئی خواب ھے تو کیوں ھے
کوئی آس ھے تو کیوں ھے ؟؟

میں اُجڑ کے بھی ھوں تیرا
تو بچھڑ کے بھی ھے میرا

یہ یقین ھے تو کیوں ھے
یہ قیاس ھے تو کیوں ھے ؟؟

مرے تن برہنہ دُشمن
اِسی غم میں گُھل رھے ھیں

کہ میرے بدن پہ سالم
یہ لباس ھے تو کیوں ھے ؟؟

کبھی پوچھ اس کے دل سے
کہ یہ خوش مزاج شاعر

بہت اپنی شاعری میں
جو اداس ھے تو کیوں ھے ؟؟

تیرا کس نے دل بجھایا
میرے اعتبار ساجد

یہ چراغِ ھجر اب تک
تیرے پاس ھے تو کیوں ھے ؟؟