Zara Si Baat Par Aksar,

Zara Si Baat Par Aksar,
Ye Keh Jana Khafa Ho Kar,

Jiyein Gay Ab Juda Ho Kar,
Na Koi Raabta Ho Ga,

Na Koi Waasta Ho Ga,
Meri Aawaz Bhi Tum Tak,
Kabhi Shayed Hi Pohnchy Gi,

Nazar Bhi Main Na Aaon Ga,
Ta'aluq Jo Raha Tum Se,
Usey Main Torr Jaon Ga,

Kabhi Ye Sochna Bhi Mat,
K Tum Bin Ji Na Paaon Ga,

Main Apni zindagi Phir Se Tumhare Bin Bitaaon Ga

Main Sun K Us Ki Sub Baatein,
Faqat Itna Hi Kehti Hoon,

Khafa Hona,
Manna Lena,
Ye Sadiyon Se Riwayat Hai,

Mohabbat Ki Alaamat Hai,
Gilay Shikway Karo Mujh Se.
Tumein Jana'n Ijazat Hai,

Magar Ik Baat Meri Yaad Rakhna Tum.
Kabhi Aisa Bhi Hota Hai,
Hawaein Rukh Badalti Hain,

Khizaein Lot Aati Hain,
Khataein Ho Bhi Jati Hain,

Khafa Hona Bhi Mumkin Hai,
Khata Hona Bhi Mumkin Hai,

Magar Hathon Se Yun Daman.
Kabhi Chhorra Nahi Karte,

Humisha YaadRakhna Tum.

Ta'aluq Torr Deny Se.
Ta'aluq Toota Nahi Karte...