shart poetry part 1

socha tha us se bichrun ga to mr jaun ga....
jaan lawa khof tha.,how kuch b nhi
***********************************
jma tum ho nhi skty muje mnfi se nafret hy...
tumhen tqseem krta hun to hasil kuch nhi hota
-----------------------------------
iqrar kia tha tum ne b"muje tum se muhabbat hy"
lo bathy bathy aj hamen ik baat porani yaad aai
--------------5:43/28-9-12------------------
kuch baat hai teri yadon me jo baat yahan tk aaa pohnchi,,
hm dil se gay dil tum py gia or baat kahan tk jaa pohnchi
*****************
hr aml ka ik rad-e-aml hota hy....nfrt bta rahi hy kabi muhabbat b the
******************

Zindagi meri teray gird ghomati hai faqat.

Aam hai Sara jahan mery ley ik bas khaas hai tu
-----------------------------------------
diloon main farq aa jaye tou itna yaad rakhna tum

daleelain, minatain aur falsafay bekar jatay hain..
-------------------------------------------
Kitni palkon se fizaaon mein sitarey tootey,

Kitne afsanon ka unwaan bana eid ka chaand..
-----------------------------------------------
!!..Dhoondtay Kia Ho In Aankhon Mein Kahani Meri..!!

!!...Khud Mein Guum Rehna Tou Aadat Hai Puraani Meri..!!
--------------------------------------------
Bary Badnaseeb Thehry, Jo Qaraar Tak Na Puhunchy

Dar-e-Yar Tak To Puhnchy, Dil-e-Yar Tak Na Puhunchy.
*********************************************
tera tarz-e-taghaful , is dil pe
sitam uff,
ae dushman-e-jaan, bohot yaad
aarahe ho..!!
**********************************
Meri Thaki Hue Aankhen Sawal Karti Han

Tumhary Ded Bina Eid Kesy Mumin Hai
***************************
Aey tabeeb, ab to kar dey dawa-e-dard-e-dil,
Agli baar touba, ham Mohabbat na karain gey.
**************************
Hamain khabar hai lutairon k sab thikanon ki,
Shareek-e-jurm na hoty to mukhbari karty.
*************
Ab teri aankh main aansu kis liye "Mohsin"?
Jab chorr hi diya tha, to bhula bhi diya hota.
******************
Sun kar tmaam raat meri daastaan-e-gham,
Wo muskura k boly, Bohat bolty ho tum.
*********************
Dhoondo gey ujrry rishton main wafa k khazany,
Tum mery baad meri Mohabbat ka ehtraam karo gey
****************************
Dukh ney sukh ka saans liya hai,
Kaash! k koi ab yaad na aaye.

Chahaton ke moasum

Chahaton ke moasum main raahatain bhe hoti hain
Dard bhe tau hota hay shikayetain bhe hoti hain

Payar ke masaafat main oonchay neechay ruston per
Bay waja nazar ohjhal rukawatain bhe hoti hain

Hijer k andhairay bhe zindagi main aatay hain
Wasl k ujaalon say adaawatain bhe hoti hain

Dil main jub bhe chubh jaaien khaar zindagani k
Dermiyan dilon k dau wazaahatain bhe hoti hain

Ashk bhe tau girtay hain laazawal rishton main
Dard dainay wali koch rafaaqatain bhe hoti hain

Payar main abhi onn k inteha nehi aaie
Ishq main zaroorat ke milaawatain bhe hoti hain

Ruqs jab bhe karti hay chaandni andhairon main
Rahberon ke aankhon main sharaartain bhe hoti hain

Bay hijab karti hay, shaukat nazer zamanay ke
Bay hisaab loogon ke inaayetain bhe hoti hain

Sheher Mein

Sheher Mein Teri Paziraai Na Honay Dongi
TU Mera Hai Tujhay Harjaai Na Honay Dongi

Chup Rahon Gi Jo Kahay Ga Koi Tujh Ko Majnoon
Is Sy Bardh Kar Teri Ruswaai Na Honay Dongi

Yaad Aaon Gi Tujhay Achhay Dinon Ki Soorat
Main Mukammal Teri Tanhaai Na Honay Dongi

Janti Hon Ke Mera Hona Hay Us Say Mashroot
Apnay Dushman Ki Main Paspaai Na Honay Dongi

Achhay Lagtay Hain Mujh Ko Parinday Lekin
Us Ko Unka Bhi Tamannaai Na Honay Dongi..!!

Umar bhar ka

Umar bhar ka maan toota, aur kya,
Morr aya, sath choota, aur kya,

Kon sach kehta hai, sach sunta hai kon,
Main bhi jhoota, tu bhi jhoota, aur kya,

Jaan se jaana zaroori to nahin,
Aashiqui mein sar to phoota, aur kya,

Rote huye laal pathar ho gaye,
Rafta rafta rang choota, aur kya,

Reh gaya tha yaad ka rishta faqat,
Akhrish yeh pul bhi toota, aur kya,

Us ki ankhain bhi kabhi sach bolti’n,
Dil to tha jhooton sa jhoota, aur kya,

Ghair to they ghair apne aap ko,
Sab se barh kar hum ne loota, aur kya,

aao dekho to zara baagh-e-wafaa,
Ab koi gul hai na boota, aur kya,

Fitna samaani mein yaksaan hain Faraz,
Apna dil ho ya kahuta, aur kya..

Us ka chehra bhi

Us ka chehra bhi sunata hai kahani us ki,
Chahti hoon ke sunoon us se zubaani us ki,

Woh sitam’gar hai to ab us se shikayat kesi,
Aur sitam karna bhi aadat purani us ki,

Besh-qeemat hai yeh moti se meri palkon per,
Chand aansu hain mere pass nishani us ki,

Us jafaa-kaar ko maloom nahin woh kya hai,
Be-murawat ko hai tasveer dikhani us ki,

Aik woh hai nazar andaaz kare hai mujh ko,
Aik mein hoon ke dil-o-jaan se deewani us ki,

Tum ko ulfat hai Qamar us se to ab keh dena,
Samne sab ke sunaa dena kahani us ki..

Aaj phir us

Aaj phir us nay mera haal poocha hai,
Kitna mushkil sawaal poocha hai,

Hichkion ka ajeeb lehja tha,
Baat ko taal taal poocha hai,,

Tum Mujhe chor to na jao ge.
Mujh say Mera khayaal poocha hai,

Aansuon ki zubaan mein uss ne,
Jo bhi poocha kamaal poocha hai.

Aankhon se meri is liye

Aankhon se meri is liye lali nahin jati
Yaadon se koi raat jo khali nahin jati

Ab umar na mosam na wo rastay ke wo paltay
Is dil ki magar khaam khayali nahin jati

Mangy tu agar jaan bhi hans kar tujhe de don
Teri to koi baat bhi tali nahin jati

Aaye koi aa k yeh dard sanbhaalay
Hum se to yeh jaageer sanbhaali nahin jati

Maaloom humain bhi hain tere buhat se qissay
Har baat teri hum se uchhaali nahin jati

Humraah tere phool khilati thi jo dil mein
Ab shaam wohi dard se khaali nahin jati

Hum jaan se jaain gay tabhi baat bany gi
Tum se to koi raah nikaali nahin jati...

Loogon Ke Lye

Loogon Ke Lye Saahib-e-Kirdaar Bhi Mein Tha
Khud Apni Nigaahon Mein Gunaahgaar Bhi Mein Tha

Kiun Ab Mere Mansab Ki Salaami Ko Kharay Ho ?
Yaaro Kubhi Ruswa Sar-e-Baazaar Bhi Mein Tha

Mein Khud Hee Chhupa Tha Qaf-e-Qaatil Ki Shikan Mein
Maqtool Ki Tooti Howi Talwaar Bhi Mein Tha

Chheentay Hain Jahan Ab Mere Maasoom Lahoo Ke
Os Farq-e-Falak-Naaz Ki Dastaar Bhi Mein Tha

Meri Hee Sadaa Lout Ke Aayi Hai Mujhi Tak
Shayad Had-e-Aflaak Ke Os Paar Bhi Mein Tha

Manzil Pe Jo Pohancha Hun Tou Maaloom Howa Hai !
Khud Apnay Lye Raah Ki Deewaar Bhi Mein Tha

Ab Mere Taaruf Se Guraiza Hai TU Laikin
Kal Tak Teri Pehchaan Ki Mayaar Bhi Mein Tha

Dekha Tou Mein Afshaa Tha Har Ik Zehen Pe Mohsin
Socha Tou Pas-e-Parda Israar Bhi Mein Tha
----------------------

Aainay Per Kubhi

Aainay Per Kubhi Kitaab Mein Hain
Oski Aankhain Ajeeb Azaab Mein Hain

Thaktay Phirtay Hain Dhoop Mein Bachay !
Titliaan Saaya-e-Gulaab Mein Hain

Ek Kachay Gharay Ki Jurrat Per
Kitni Tugyaaniaan Chanaab Mein Hain

Wo Abhi Tak Hai Ru-Baruu Apnay,
Hum Abhi Tak Hisaar-e-Khwaab Mein Hain…!

Oski Aadat Hai Roothna Mohsin
Loog Be-Waja Iztaraab Mein Hain

Qadar-e-Johar

Qadar-e-Johar Hai Jo Pindaar Samait
Mujhko Parkho Mere Mayaar Samait

Roz Maangain Ye Dua Khaana-Badosh
Ghar Na Ujray Dar-o-Deewaar Samait

Kitni Banjar Howi Fasl-e-Aawaaz
Sheher Chup Chaap Hai Baazaar Samait

Kaash Loogon Ki Tarah Soye Chaman
Hum Bhee Jaayein Kubhi Dildaar Samait

Kon Karta Qad-o-Qaamat Ka Hisaab ?
Ik Qayaamat Tha Wo Raftaar Samait

Jin Ki Haibat Se Hiraasan Lashkar
Be-Nishaan Ab Hain Wo Talwaar Samait

Bujh Jaayein Kaheen Aankhain Meri
Yaad Aa , Mashal-e-Rukhsaar Samait

Khaak Urti Howi Sadyon Se Udhar
Qaaflay Guum Howay Saalaar Samait

Hawas-e-Darham-Dinaar Ki Khair
Loog Biknay Lagay Kirdaar Samait

Mein Ke “Mohsin” Hun Shaheed-e-Naamoos
Dafan Karna Mujhe Dastaar Samait