Sunday, June 30, 2013
Hawa Thami Thi Zaroor Lekin..!
Hawa Thami Thi Zaroor
Lekin..!
Wo Shaam Jaisy Sisak Rahi Thi..
K Zard Patton Ko Aandhiyon Ne Ajeeb Qissa Suna Diya Tha
K Jis Ko Sun Kar Tamaam Pattay
Sisak Rahay Thy..
Bilak Rahay Thy..
Jany Kis Saanhe k Ghum Mein?
Shajar Jarron Se Ukarr Chuke Thy..
Bht Talasha Hum Ne Tumko
Her Aik Rasta
Her Aik Waadi
Her Aik Parbat
Her Aik Ghaati
Kahin Se Teri Khabar Na Aai
To Ye Keh K Hum Ne Dil Ko Tala
Hawa Thamay Gi To Dekh Lain Gay
Hum Uske Raston Ko Dhoond Lain Gay
Magr Hamari Ye Khush'Khayali
Jo Humko Barbaad Kar Gayi Thi
Hawa Thami Thi Zaroor
Lekin..!
Bari Hi Muddat Guzar Chuki Thi..
Hamaray Baalon K Jungalon Mein
Sufaid Chaandi Utar Chuki Thi..
Falak Pe Taaray Nahi Rahay Thy
Gulaab Payaray Nahi Rahay Thy..
Wo Jin Se Basti Thi Dil Ki Basti?
Wo Log Saray Nahi Rahay Thy..
Ye Almiya Sab Se Bala'Tar Tha
K Hum Tumharay Nahi Rahay Thy..
K Tum Hamaray Nahi Rahay Thy..
Hawa Thami Thi Zaroor
Lekin..!
Subscribe to:
Post Comments (Atom)
No comments:
Post a Comment
03457568685